حب ايه اللى بتحكى عنه

موضوع: حب ايه اللى بتحكى عنه 2009-03-22, 07:05

حب ايه الى بتحكى عنه***وماضى جايه ترجعيه

ما خلاص القصه خلصت***وانتهت المسرحيه

لونك دلوقتى واضح***انصحك اتغيريه

امشى ودوسى على قلبى***وروحى مع الى
اخترتيه

ابرام ده كان زمان وعدى***هدتيه زى ما بنتيه

حبى ليكى قولى عنه ذكرى***واكيد بكره تنسيه

مسالتيش نفسك سؤال***سبتى قلبى راجعه ليا تانى ليه

سبت الزمن يخدلى حقى***وحقك اكيد هتخديه

شفت منك ويل ومر***عمرك انتى ما هتشوفيه

حبى ليكى كان خيانه***ولعته شمعه وانتى طفتيه

زرعت حبك جوه قلبى***ودلوقتى شوك بجنيه

لسه برضه بتسالينى***وتقولى عملت ايه

مولاتى انتى ظلمتينى***عمرى وقلبى ختيه

جايه بتقولى اسفه***يعنى هترجعيه

اعتبرينى ماضى وراح***او قصه فى كتاب
وارميه

لو عايزه بجد حبى***طيب سبتينى ليه

فى كلام مقلنهوش***تقدرى تكمليه

ولا جايبه معاكى استيكه***وناويه تمسحيه

يشهد علينا القمر***الى كنا بنسهر لياليه

قولت عنك احلى منه***شوفى النهارده نظرة عنيه

ولا يمكن ناسيه حاجه***ودلوقتى افتكرتيه

حتى الجنان مش راضى بيا***وقال كفايه الى عملتيه

اعزرينى فى كل كلمه***مش هو ده قلبى الى هوتيه

لايقه فعلا على الى جنبك***كانك فستان متفصله عليه

حبى ليكى موضه قديمه***روحى يا ستى وجدديه

حبى ليكى كان جد غالى***بس انتى الى رخصتيه

اقلك سبينى فى حالى***واعملى الى تشوفيه

حلال عليكى ايام عمرى***وشبابى الى ضيعتيه

قلبى كان طيب رقيق***بس بفضلك قستيه

جبروتك مشفتش زيه ***بكره يتعمل فيكى اكتر من الى عملتيه

وابقى شوفى مين هيمسك ايدك***دورى على حد غيرى امسكى فيه

عيشى حياتك زى ما انتى *** وحبى كمان ده شىء انتى ورثتيه

جرح القلوب عندك ساهل***بس الى متعرفهوش انك ما تستهليه

عملتك بيتى الصغير***فضلت ابنى واعلى فيه

عملت عقلى ليكى وادى***وقلبى عرش انتى ملكتيه

جايه تانى تقنعينى***بكلام ناعم بتجرريه

هى هى نفس الحكايه***والكلام بتكرريه

قصتنا خلاص انتهت***وادى قلبى الى خنتيه

بس بجد برافو عليكى***دور عرفتى تمثليه

حب ايه الى بتحكى عنه***وماضى جايه ترجعيه

موضوع: رد: حب ايه اللى بتحكى عنه 2009-08-28, 03:02

شعر جميل يا ابرام منتظرين منك الكثير
اختك // الحمامة

موضوع: رد: حب ايه اللى بتحكى عنه 2010-12-03, 01:35

شكرآ اخت الحمامة لمرورك